प्रदेशसमाज

कोरोना नियन्त्रण गर्न कर्णालीमा स्वयंसेवक परिचालन गरिने,

कर्णाली प्रदेश सरकारले कोरोना महामारी नियन्त्रणमा स्वयंसेवक खटाउने भएको छ ।

प्रवक्ता नेपालीका अनुसार स्वयंसेवकहरूले मुख्यगरी बाह्य जिल्लाबाट आउने संक्रमितको उपचारमा सहयोग, संक्रमितको मृत्यु भएको खण्डमा दाहसंस्कारको लागि व्यवस्थापन, समुदायस्तरमा सचेतना फैलाउने र संक्रमितलाई रेखदेखलगायत काम गर्नेछन् ।

हाल प्रदेशका विभिन्न जिल्लाबाट उपचारका लागि प्रदेश अस्पताल सुर्खेत आएका संक्रमितको मृत्यु हुँदा दाहसंस्कारमा समस्या हुँदै आएको छ ।

प्रदेशमा कोरोना नियन्त्रण, संक्रमितको उद्धार, उपचार र शव व्यवस्थापनमा स्वयंसेवक परिचालन गर्ने प्रदेश मन्त्रिपरिषदको सोमबारको बैठकले निर्णय गरेको सरकारकी प्रवक्ता सीता नेपालीले जानकारी दिइन् ।

प्रदेश सरकारले स्वयंसेवक खटाउनु अघि सेवा गर्न इच्छुकहरुलाई सार्वजनिक रुपमा आह्वान गर्ने आन्तरिक मामिला, कानून, युवा तथा खेलकुदमन्त्री समेत रहेकी नेपालीले बताइन् ।

Leave a Reply

Your email address will not be published. Required fields are marked *

Related Articles

Back to top button
Close