प्रदेशशिक्षा

पञ्चपुरी नगरपालिका प्रमुखलाइ शिक्षक महासंघको ध्यानाकर्षण,

शिक्षकहरुको साझा संगठन नेपाल शिक्षक महासघं पञ्चपुरी नगर समिति सुर्खेतले विभिन्न शैक्षिक तथा पेशागत माग राख्दै पञ्चपुरी नगरपालिका समक्ष ध्यानाकर्षण पत्र बुझाएको छ । कार्यक्रममा नेपाल शिक्षक महासंघ पञ्चपुरी नगर समितिका अध्यक्ष गंगाराम घिमिरेले नगरपालिकाका प्रमुख उपेन्द्रबहादुर थापा समक्ष ध्यानआकर्षण पत्र बुझाएका हुन् ।

आफू र शिक्षा, विज्ञान तथा प्रविधि मन्त्रालयबीच भएका सबै सहमति कार्यान्वयन नभएकाले दबाबमूलक आन्दोलन घोषणा गर्नुपरेको महासंघले जनाएको छ । संघीय शिक्षा ऐन जारी गराउने, न्यून तलबमा काम गरेका बाल कक्षाका शिक्षक र विद्यालय कर्मचारीको समयोचित तलब वृद्घि गर्ने लगायत माग महासंघले राखेको छ ।

ध्यानाकर्षण पत्रमा शिक्षक, कर्मचारीलाई अविलम्ब कोभिड विरुद्घको खोप लगाउने तथा कोभिड संक्रमित शिक्षक कर्मचारीको लागि बीमा र निःशुल्क उपचारको व्यवस्था गर्ने तथा हाल संस्थागत विद्यालयमा भएका शिक्षक कर्मचारी निष्कासन गर्ने कार्यलाई रोक्ने लगायतका माग पनि शिक्षक महासंघले राखेको छ ।

शुक्रबार महासंघले देशभरका ७५३ पालिकामा रिले अनसन सुरु गरेको छ । शिक्षकको मागको सम्बोधन नभएमा सबै ठप्प पारेर राजधानी केन्द्रित भई निर्णायक आन्दोलन गर्ने महांसघले चेतावनी दिएको छ ।

Leave a Reply

Your email address will not be published. Required fields are marked *

Related Articles

Back to top button
Close