समाचार

कोभिड–१९ सेल्फहेल्प समूहको आयव्यय विवरण सार्वजनिक,

कोरोना भाइरस (कोभिड–१९)को दोश्रोलहरको महामारीमा ‘अक्सीजन सिलीन्डर का लागि मेरो एक हजार अभियान’ सुरु गरेको कोभिड–१९ सेल्फहेल्प समूहमा साढे १२ लाख बढि रकम संकलन भएको छ ।

देशैभर कोरोनाको दोस्रो लहर तिव्र गतिमा फैलिएको समयमा कर्णालीका युवाहरुको समूहले अभियानको सुरुवात गरेका थिए ।

नेपाल पत्रकार महासंघ सुर्खेतका उपाध्यक्ष सुदीप पुरीको संयोजकत्वमा सुरु भएको अभियानमा खगेन्द्र पुरी, प्रवाश कुमार शाक्य, मिलन श्रेष्ठ धर्मराज आचार्यको सहभागिता रहेको थियो । अभियान अन्तर्गत सुदिप पुरीको खातामा ३ लाख ९४ हजार ४ सय ९५, मिलन श्रेष्ठको खातामा ५ लाख ४६ हजार ९ सय ५१, धर्मराज आचार्यको खातामा ७७ हजार ८ सय २२ रुपैयाँ र टिमले सुरुवात गरेको सनराईज बैंकको खातामा २ लाख ४२ हजार १ सय ६७ रुपैयाँ जम्मा भएको संयोजक पुरीले जानकारी दिनुभयो ।

जम्मा भएको रकम मध्ये कर्णाली प्रदेश अस्पतालमा ८ दिन सम्म दैनिक १ सय रुपैयाँका दरले १ सय ५० जना बिरामी कुरुवा र स्वास्थ्यकर्मीलाई १ लाख २० हजारको पोषिलो खाजा वितरण गरिएको, अक्सीजन सिलिण्डर रिफील खर्च ७६ हजार ८ सय ४२, अक्सीजन सिलिण्डर खरीद एक थान २५ हजार, अक्सीमिटर तथा सेनीटाईजर खरीद ४५ हजार ६ सय, ६ वटा शव व्यवस्थापन सहयोग खर्च ३० हजार र एम्बुलेन्स सञ्चालन खर्च ५५ हजार ७ सय भएको संयोजक पुरीले बताउनुभयो ।

अभियानले किनेको एक थान सिलीन्डर र १० थान अक्सोमिटर बचेको भन्दै उनले कोरोना पुन जोखिम बढेकाले सहयोग स्वरुप वितरण गर्ने बताइएको छ । कुल संकलित रकम मध्ये ३ लाख ५५ हजार ३ सय ४२ रुपैयाँ खर्च भएको तथा ८ लाख ८४ हजार ४ सय १८ रुपैयाँ समूहको खातामा जम्मा भएको भन्दै अभियानले त्यसबाट एम्बुलेन्स किन्ने तयारी गरेको छ ।

Leave a Reply

Your email address will not be published. Required fields are marked *

Related Articles

Back to top button
Close