समाचार

सगरमाथाको नयाँ उचाइ ८८४८.८६ मिटर सार्वजनिक

काठमाडौं । विश्वकै अग्लो हिमाल सगरमाथाको उचाइ बढेको छ। फिल्ड सर्वेक्षणबाट प्राप्त नापी विभागकै जनशक्तिद्वारा आफ्नै प्रयोगशालाबाट प्रशोधन तथा चीनका समकक्षी प्राविधिक तथा निर्देशक समिति तहमा छलफलपछि सगरमाथाको बढेको उचाइ सार्वजनिक गरिएको हो।

अब सगरमाथाको उचाई ८८४८‍.८६ मिटर भएको छ। नेपाल र चीन दुवै देशका सरकारी प्रतिनिधिहरुको भर्चुअल कार्यक्रमबाट दिउँसो पौने २ बजे औपचारिक कार्यक्रममार्फत् एकैपटक सगरमाथाको उचाइ सार्वजनिक गर्ने तयारी गरिएको हो।

नेपाल र चीनका प्राविधिकहरुको, सरकारी अधिकारीहरुको संयुक्त प्रयासमा सगरमाथाको नयाँ उचाई प्राप्त भएको नेपाल सरकारले जनाएको छ। गत मंसिर १० मा मन्त्रिपरिषद् बैठकले सगरमाथाको उचाइ घोषणाको स्वीकृति दिएको थियो। नेपालले आफ्नै स्रोत–साधनबाट दुई वर्षअघिदेखि सुरु गरेको उचाइ मापनको परिणाम सार्वजनिक गर्ने क्रममा भने चीन जोडिएको हो। चीनका राष्ट्रपति सी चिनफिङ गत वर्ष नेपाल भ्रमणमा आएका बेला सगरमाथाको उचाइ संयुक्त रूपमा घोषणा गर्ने सहमति भएको थियो।

उक्त कार्यक्रममा नेपाल सरकारका तर्फबाट परराष्ट्रमन्त्री प्रदीप ज्ञवाली, चीन सरकारका परराष्ट्रमन्त्री वाङ यी दुवै देशका अधिकारीहरुको सहभागिता थियो। 

नेपाल एक चीन नीति प्रति प्रतिवद्ध रहेको पनि उनले बताए। त्यस्तै विकासमा नेपाल चीन सधैँ साझेदारी गर्ने पनि बताए। सामाजिक विकासको लागि दुई देशको मित्रताले ठूलो योगदान दिने उनको भनाई छ। परराष्ट्रमन्त्री ज्ञवालीले सगरमाथाको नयाँ उचाई ८८४८.८६ भएको पनि बताए।

Leave a Reply

Your email address will not be published. Required fields are marked *

Related Articles

Back to top button
Close